NRK sender gudstenester, konsertar og andre kristne program på TV, radio og i nettspelaren NRK TV i påska. På denne sida finn du oversikt over NRK-programmet i påska 2025.
Programmet er presentert av livssynsavdelinga i NRK, og med atterhald om endringar. Alle programma er tilgjengelege i opptak.
Familiegudsteneste på palmesundag på TV og radio
NRK sender familiegudsteneste frå Orkdal kyrkje på Fannrem i Trøndelag på palmesundag. Dette er ei familiegudsteneste med der born og unge deltek.
Lars Sperre er prest medan Randi Hagen er organist og musikalsk lediar. Liv Randi Henøen Sødal bidreg som medliturg og Trine Snekvik Fagerli er tekstlesar. Marit Selbæk, Stine Svanem, Soul Kids fra Svorkmo og Tweens&Teens fra Lensvik er også med.
Søndag 13. april kl. 11.00 på NRK P1+ (radio) og NRK 1 (TV). Trykk her for å sjå den i NRK TV.
Skjærtorsdag: Radiokonsert med Christian Ingebrigtsen
I 2021 kom artisten Christian Ingebrigtsen med albumet Vinger, og la ut på turné med same namn. På skjærtorsdag sender NRK opptak av konserten frå Asker kyrkje. Musikarane Frøydis Grorud og Thor-Erik Fjellvang er med.
Skjærtorsdag 17. april kl. 11.03 på NRK P1+ (radio).
TV- og radiogudsteneste på langfredag
NRK sender gudsteneste frå Orkdal kyrkje i Trøndelag på langfredag.
Her vert Jesu lidingsforteljing, slik den står skrive i evangeliet etter Lukas i Bibelen, lest av Terje H. Jonassen, Heidi B. Ljøkjel og Hildegunn R. Eikli. Sokneprest Marita Hammervik-Owen er liturg og predikant.
Orkla gospelkor og solist Linn-Silje Hembre med musikk. Kjersti Kvam og Randi Hagen har det musikalske ansvaret.
Langfredag 18. april kl. 11.00 på NRK 1 (TV) eller NRK P1+ (radio).
Påskeaften: TV-sendt påskemesse fra Roma
Katolikkar frå heile verda samlast i Peterskyrkja i Roma på den populære påskemessa. Pave Frans, som har vore sjuk denne våren, deltek på messa.
Påskeaftan 19. april NRK 2 (TV) kl. 19.25.
Første påskedag: Høgtidsgudsteneste på radio og TV
Søndag 20. april er første påskedag, då kyrkja feirar Jesu oppstode. NRK sender høgitdsgudsteneste frå Orkdal kyrkje i Trøndelag, med mykje musikk og mange aktørar.
- Sokneprest Marita Hammervik-Owen er liturg og prost Dagfinn Thomassen held preika.
- Hildegunn R. Eikli, Ingrid H. Karlsen, Jon Fredrik Skauge, Tonje M. Stølan og Ellinor Johanne Hammervik-Owen leser tekstar og bøner.
- Organist Randi Hagen er musikalsk ansvarleg og har med seg Sturla Eide, Wenke Teialeiret, Orkland mannskor og CodaVokal.
Første påskedag 20. april på NRK 1 (TV) og NRK P1+ (radio) kl. 11.00.
Salmemusikk og morgonandakt
I tillegg til gudstenestene, vert det også sendt fleire program der påskebodskapen vert formidla i ord og tonar.
I radioprogrammet Salmer til alle tider får du lytte til påskesalmane. Det går direkte palmesøndag (kl. 20), langfredag (kl. 17) og første påskedag (kl. 20) på NRK P1+ og som vanleg også Tro, håp og Lillesæter på NRK P1. Trykk her for å høyre programmet i nettspelaren NRK Radio.
Artist og poet Trygve Skaug har morgonandaktene denne veka. Måndag, tysdag og onsdag på NRK P1+. Trykk her for å høyre andakten i NRK Radio.