Hástala jaskatvuođa, diehtemeahttunvuođa ja biehttaleami

Ovttas Girkuid máilmmeráđiin lágida Norgga girku Sámi girkoráđđi riikkaidgaskasaš konferánssa álgoálbmogiid ja soabahusproseassaid birra geassemánu 20.-21.b. 2016. Dát dáhpáhuvvá Troanddimis. Ruoŧa girku Sámiráđđi, Suoma Evangelalaš-lutherlaš girku Sámebargguid ráđđádallagoddi ja Girkolaš oahpahusguovddáš davvin leat miellágideaddjit.

Álgoálbmotkonferánsa lágiduvvo dan oktavuođas ahte Girkuid máilmmeráđi Guovddášlávdegoddi čoahkkana Troandimii geassemánu 22.-28.b.

 - Hállat duođa historjjá birra hástala dan jaskatvuođa, diehtemeahttunvuođa ja  biehttaleami mii ain gávdno álgoálbmogiid ja eanetlohkoálbmogiid gaskkas ollu sajiin máilmmes, dadjá Tore Johnsen. Son lea Sámi girkoráđi váldočálli, son jođiha Girkuid máilmmeráđi álgoálbmot-referánsajoavkku ja sus lea ovddasvástádus lágidit dán konferánssa.

Maŋimuš jagiid leat leamaš konkrehta soabahusproseassat álgoálbmogiid ja eanetlohkoálbmogiid gaskkas máŋgga sajis máilmmes. Seammás lea koloniserema ja vealaheami historjjás ain váikkuhus sihke álgoálbmogiidda ja eanetlohkoálbmogiidda. Dát dahká soabahusa áššáigguoskevaš beallin go lea sáhka sosialalaš nuppástusprosessain  álgoálbmogiid ja eanetlohkoálbmogiid gaskkas, dadjá Johnsen.

Konferánsa čalmmustahttá “duohtavuođa”, “buorideami” ja “nuppástuhttima” juohke lágán soabahusa váldočuokkisin, ja deattuha kristtalaš girkuid earenoamáš ovddasvástádusa ja sajádaga dákkár oktavuođain.

- Konferánsa lea mielde nannemin ehkumenalaš álgoálbmotfierpmádaga ja čuvge sisdoalu Girkuid máilmmeráđi váldofáttás 2021 rádjái, mii boahtá ovdan dás: "The Pilgrimage of Justice and Peace" , muitala Tore Johnsen.

 

Konferánssa ságastalliid searvvis leat

Victoria Tauli-Corpuz, ONa álgoálbotvuoigatvuođaid earenoamaš rapportevra. Su ságastallama bajilčála lea “Árvvus atnit álgoálbmotvuoigatvuođaid mearkkaša oktavuođaid ođasmahttima ”.

Marie Wilson, Canada Duohtavuođa- ja soabahuskommišuvnna lahttu. Su ságastallama fáddá lea “ Canada Duohtavuođa- ja soabahuskommišuvnna vásahusat ”.

Miguel Salanic, Latin American Council of Churches álgoálbmotkoordinahtor . Su ságastallama fáddá lea “Duohtavuohta veahkaválddi ja billisteami vuostálastingaskaoapmn”.

Härnösand bisma Eva Nordung Byström váldá ovdan Ruoŧa girku vilgesgirjedoamma bajilčállagiin ”Gosa doalvu geadnu maŋŋil diehtemeahttunvuođa?”

Konferánsaprográmmas lea maiddái čájálmas mas leaba mielde Mari Boine ja oskkoldathistojjádutki Brita Pollan. Das lohkkojuvvojit oasit 1700-logu miššuvdnamuitalusain musihka lassin.

Konferánsa lea rabas buot berošteaddjiide. Eanet dieđut ja almmuheapmi dás:

Loga konferánssa birra Girkuid máilmmeráđi neahttasiidduin

 

 

Kontaktinformasjon for Sámi girkoráđđi - Sáme girkoráde - Saemien gærhkoeraerie - Samisk kirkeråd

Besøksadresse:

Stakkevollveien 41

9010 Tromsø

 

 

 

 

 

Samisk kirkeråd

Postboks 799 Sentrum

0106 Oslo

E-post: post.kirkeradet@kirken.no