Beassášmuitalusa ja -buđaldeapmi

Monni sáhttá govahallat ođđa eallima. Dat mii orui guoros ja garas, doppe lea eallin! Beaivelottáš lea boares risttálaš govahallan doaivagii. Beaivelottaš sáhttá govahallat Jesusa eallima: máhtu lea su eallin eatnama alde, divregoahti lea hávdi ja beaivelottáš lea Jesusa bajásčuožžileapmi.

Trykk her for å finne aktiviteter for barn hjemme i påsken på norsk. 

Sisdoallo

Loga beassášmuitalusa

Loga beassášmuitalusa Lukasevangeliumas 22. kapihttalis biibbal.no siiddus.

 

Stoaga beassášmuitalusa

Beassášmuitalusa sáhttá stoahkat. Loga muitalusa, ja geavat diŋggaid mat dus leat ruovttus ja stoaga.

Lek påskefortellingen.JPG Lek påskefortellingendetalj.JPG

Govva: Priváhtá/Girkoráđđi

 

Skrifthuset lágádus lea ráhkadan buđaldangihppaga mas leat sálmmat, govat ja barggut mat gullet beassážiid biibbalmuitalusaide. Gihppaga oaččut dáppe. Sisdoallu gullá Buot buorit girjái. Olles girjji sáhttá oastit Skrifthuset neahttasiidduin
 
 
 
 

Beassášbuđaldeapmi

Ráhkat beassáščiŋaid ruovttus! Diŋggaid maid mii dás čájehit lea ollu adnon govahallat ođđa eallima ja doaivaga. Dat heive bures beassážiidda, go dalle mii ávvudit ahte Jesus vuitti jápmima badjel.

Monni sáhttá govahallat ođđa eallima. Monni ii oro ealas olggobealde, muhto moni siste šaddá lottičivga ja maŋemus čivga cuvke monnegara ja boahtá olggos. Dat mii orui guoros ja garas, doppe lea eallin! Beaivelottáš lea boares risttálaš govahallan doaivagii. Beaivelottaš sáhttá govahallat Jesusa eallima: máhtu lea su eallin eatnama alde, divregoahti lea hávdi ja beaivelottáš lea Jesusa bajásčuožžileapmi.

påskeverkstedoverskrift.jpg

 

Ivdne beassášmoniid birccostallamiin

Don dárbbašat; báhpira, birccu, skárriid ja ivdnebliánttaid (unnimus guhtta ivnni). Jus háliidat heŋget moniid, de dárbbašat vel bátti/láiggi.

Tevdne monnehámiid báhpirii dahje čálit olggos dihtoris. Sáhtát atnit minstariid mat leat dán árkkas: ivdnenmonit(pdf). Dát heivejit smávit mánáide. Jus háliidat váddásit ivdnenbarggu, sáhtát ohcat "mandala easter egg" google govain – doppe gávnnat ollu maid sáhtát čálihit ja ivdnet. Mearrit makkár ivdni galgá guđege lohkui birccus. Dii galgabehtet de vurrolaga bálkestit birccu ja ivdnet dainna ivnniin mii gullá dan lohkui maid oaččut. Omd. Jus bálkestat 1, de galggat ivdnet rukses ivnniin (dahje dan ivnni maid lehpet válljen 1:ii). De lea dušše vurrolaga bálkut birccu ja ivdnet.

Go leat geargan ivdeme, sáhtát čuohppat moniid, čugget bátti moni čađa ja heŋget daid. Sáhtát maid liibmet gitta guokte ja guokte moni main lea báddi gaskkas. Moniid sáhtát maid teipan liibmet gitta lásii, dahje speadjalii.

Bilde 25.03.2020, 11 45 20.jpg Bilde 26.03.2020, 10 17 57.jpg Bilde 26.03.2020, 10 24 32.jpg

 

Helmmuiguin ráhkadit moniid dahje beassášgovaid

Don dárbbašat: helmmuid, ja helbmobreahta ja liktenruovddi

Mii leat gávdnan moadde monne-minstara. Dáidda dárbbašat guđačiegat helbmobreahta.

Sáhttibehtet čálihit olggos minstara, dahje geahččat minstara dihtoršearpmas ja de lohkat ja gávdnat gokko helmmot galget leat. Go leat geargan bordime helmmuid, likten ja čoaskudan dan, sáhttá heŋget moniid seakka árppužiin. Sáhtát heŋget lásii, rissái dahje eará sadjái čikŋan.

Minstara gávnnat dáppe: 1. minsttár | 2. minsttár 

Lea ollu eará maid sáhttá ráhkadit dákkár bordinhelmmuiguin, soaittát sáhttit ráhkadit beassášnjoammila dahje vuonccačivgga? Sáhtát maid ohcat interneahtas minstariid, oza google govain "perler easter pattern".

Bilde 25.03.2020, 14 33 05.jpg Bilde 25.03.2020, 15 32 42.jpg Bilde 25.03.2020, 15 08 22.jpg

 

Beaivelottit hivssetbáberrulláin  

Don dárbbašat: hivssetbáberrullaid, (ovtta rullas boahtá okta beaiveloddi), ivdnejuvvon dahje vilges bábir, mála, skárrit ja liibma. Sáhtát maid atnit; plastihkačalmmiid, liibmamearkkaid, glittera dahje eará čiŋaid.  

Ivdne dahje mále hivssetbáberrullá. Čuohpa sojiid ivdnejuvvon árkas. Jus dus ii leat ivdneárka, anát vilges árkka maid sáhtát málet dahje ivdnet. Sojiid sáhtát maid čiŋahit liibmamearkkaiguin dahje glitteriin. Dás don ieš mearridat movt háliidat čiŋahit. Go rulla lea goikan, liibmet sojiid ala. De tevdnet čalmmiid ja njálmmi.  

Beaivelottit liikojit liđiide, nu ahte jus dus leat eambbo hivssetbáberrullat sáhtát ráhkadit liđiid sidjiide maid. Mále rulla ruonádin. Čuohpa ruona árkkas lastaid, dahje mále vilges árkka ruona málain ja čuohpa das lastaid. Čuohpa lieđi ivdnebáhpiris. Go rulla lea goikan, liibme lastaid ala. Dasto čuohpat guokte ceahki rullii ja deaddelat lieđi cehkiid sisa. Lieđi sáhtát maid ivdnet glitteriin dahje ivnniiguin. 

 

Beassášgirjemearka dahje beassášgoarta

Don dárbbašat: báhpira ja skárriid.

Liikot go don lohkat beassášluomus? Soaitá maid muhtin du lagas olbmuin gii lohká girjjiid beassážiid. De sáhttá girjemearka leat fiinna skeaŋkka! Dahje don háliidat addit beassášgoartta muhtimii gii lea olu okto ja geas lea lossas dilli? Don čuohpat árkka rektaŋgelhápmái, tevdnet fiinna gova dahje darvehat liibmenmearkkaid árkii. Sáhtát maid liibmet monii maid leat ivdnen gortii. Jus áiggut ráhkadit girjemearkka muhtimii gii liiko lohkat krim-girjjiid, de sáhtát goaikkuhit veahá rukses mála ja bossut dan bohcciin, de šaddá dego livččii varra golgan goartta ala.

Bilde 28.03.2020, 09 57 34.jpg

Buot govat lea váldon Horten searvegotti beassášbuđaldandeaivvadeamis

 

Ivdnenárkkat

Čálit ivdnenárkkaid, oza ivdnebliánttaid ja ivdne beassášgovaid!

Påskedag 1.jpg

Govaid lea Sotnabeaivskuvla ráhkadan. Sin siidduin gávdnojit eambbo resurssat. (Dárogillii)

Dele-knapper kan ikke vises uten at du samtykker til bruk av funksjonelle cookies. For å gjøre dette må du trykke på knappen helt nederst i venstre hjørne og marker sjekkboks for funksjonelle cookies og deretter klikke på "Oppdater samtykke". Evt. klikk på "Godta alle cookies" for å godta alle kategorier av cookies. Deretter må du laste siden på nytt.

Kontaktinformasjon for Sámi girkoráđđi - Sáme girkoráde - Saemien gærhkoeraerie - Samisk kirkeråd

Besøksadresse:
Haakon VII gate 5
9011 Tromsø

 

 

 

Postadresse:
Samisk kirkeråd
Postboks 799 Sentrum
0106 Oslo
E-post: post.kirkeradet@kirken.no

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Internet options / Privacy / Location / klikk på "Clear sites"

Chrome

Settings / Advanced / Priacy and security / Content settings / Location -> Fjern "kirken.no" fra blokkert-lista

Firefox

Options / søk etter "location" / settings / Fjern "Kirken.no" fra blokkert

Safari

Settings for this website / Location -> "Allow"