Over hundre arrangement
På kyrkja sin store felleskalender, skjerikyrkja.no, finn du oversyn over gudstenester og andre samlingar.
Så langt kan vi der finna over eitt hundre arrangement i kyrkjene i Bjørgvin 2. og 3. november, dei fleste av dei er gudstenester der det særleg vert gjeve rom for å minnast dei døde. Mange stader kan ein dessutan gå inn i kyrkja, tenna ljos, be, vera stille eller lytta til musikk.
Samtale om døden med representantar frå ulike religionar
Kirkelig dialogsenter Bergen arrangerer Den lille store samtalen: Husk at du skal dø! på Litteraturhuset i Bergen 30. oktober kl. 18:00.
Sjukehusprest John Kristian Rolfsnes, Imam Abiladif Ahmed og leiar for Gravferdsmyndigheten i Bergen, Anne Jønsson, vil snakka om bl.a.: Kvifor er det så vanskeleg å snakke om døden? Må den vere så skummel? Kva skjer eigentleg når vi dør? Korleis planlegg vi for eigen død? Kan vi gjere som vi vil med gravplassen? Kan vi spele musikk på gravplassen for den døde?
Helgemessekonsert i Årdal
På Årdal kyrkjegard stiller Årdalstangen musikklag opp for å spela salmar kvar allehelgen. Laurdag 2. november kl. 17.00, stiller dei opp for 20. gong . Korpset held på ein halvtime før dei går rundt på gravplassen for å tenna ljos på gravene til avlidne medlemer av musikklaget. Det er mange som vitjar gravplassen på denne tida og som får med seg konserten. I tillegg er kyrkja open.
Les meir om denne unike tradisjonen i Årdal
Sorgseminar i Åsane
I Åsane sokn blir det sorgseminar lørdag 18. januar. I etterkant av sorgseminara, blir det starta nye sorggrupper for vaksne, truleg i løpet av februar 2025 (dersom det er nok påmelde).
Det er også tilbod om sorggrupper for barn og unge ein gong pr år, nye grupper etter haustferien (8 samlingar frå okt til mars).
Brosjyrer for tilboda i Bergen finn du via lenke nedst på sida.
Førstehjelp ved sorg
Den norske kyrkja vil i månaden fram mot allehelgen gjennomføra ein kampanje på nettsider og sosiale medium med tips til korleis ein kan møta folk i sorg. "Førstehjelp ved sorg" er for alle. Klikk her for å lesa meir om førstehjelp ved sorg her.
Den norske kyrkja vil i tida fram mot allehelgen dela tre videoar om førstehjelp ved sorg i sosiale medium. Dei handlar om "pause i sorga", "tida etter døden" og "ordet kondolerer".
Sorggrupper
Sorggrupper.no er ein portal med oversyn over tilbod både til barn, unge og vaksne, er landsdekkande, og med oversyn over dei tilboda som er melde inn, frå både kyrkja og andre aktørar.
Samtale
Kyrkja sine tilsette er tilgjengelege for samtale. Ta kontakt med din lokale kyrkjelyd. Du kan også kontakta KIrkens SOS, sjå lenke nedst på denne sida.