– Den nye ordninga flyttar ansvaret for tilsettinga nærare soknet. Det nye i høve til tidlegare, er at det er prosten som kjem med forslag om kven som skal tilsetjast og at soknerådet er med i tilsetjingsrådet. I tillegg til desse er stiftsdirektøren representert ved HR-sjefen i bispedømet og prestane ved ein tenesterepresentant. Dessutan er ein sekretær for møtet til stades.
Når det gjeld tilsetjing av prostar, vil dette bli gjort i bispedømerådet.
Det var stillinga som sokneprest i Lykling og Bømlo som var først oppe i tilsetjingsrådet. Fire andre stillingar var også oppe i tilsetjingsråd denne dagen. Kven som vart tilsett, blir kjent etter at dei tilsette har fått melding og har fått svart på om dei tek imot stillinga. Dei har åtte dagar på seg til å svara på dette.
Etter planen for våren har tilsetjingsråda i Bjørgvin møte 14. mars, 8. mai og 12. juni. Det kan bli endringar i denne planen.