– Utover hausten vil vi tilby digitale samlingar der erfarne tilsette i Kirkens Nødhjelp fortel frå arbeidet sitt, seier Geir Endre Kristoffersen. Han er regionkoordinator for organisasjonen i Vestland.
Tema for samlingane, som varer ein halvtime frå kl. 09.00:
2. oktober: «Palestina – er det håp i ruinene?»
6. november: «Hva skjer i Kirkens Nødhjelp når alarmen går?»
4. desember: «Arbeidet i Ukraina – nå!»
– Eg trur mange kjenner på at vi er små og langt unna, og at vi skulle ønske vi kunne gjere meir for dei som er ramma av ulukker og katastrofar. Då trur eg det kan vere godt å få vite meir om kva som faktisk blir gjort og kva vi som kyrkje er med å bidra til ute i verda, seier Geir Endre. Han fortel at desse digitale samlingane er tenkt som ein serie med møte ein gong i månaden. Etter jul vil dei ha tema knytt til Fasteaksjonen og korleis ein kan gjennomføre den.
Du finn lenke til møteserien nedst på sida her. På sida du kjem til (fasteaksjonen.no/morgenprat) vil det og etter kvart ligge opptak av møta.