Det er Stavanger bispedøme som i samarbeid med Bjørgvin bispedøme som har sett saman ulike tekstar til desse to vandringane.
Kva er ei pilegrimsvandring?
Vi kan seie at ei pilegrimsvandring er to vandringar i eitt: Den ytre vandringa, vegen du går, og den indre vandringa, tankane og refleksjonane du gjer mens du går. I vår/kyrkja sin samanheng handlar det om å vende seg mot Gud og invitere han til å gå saman med deg. Små element i den ytre vandringa kan hjelpe oss i den indre vandringa.
Mange tenkjer på livet som ei pilegrimsvandring, og opplever dette som ei verdifull hjelp i livsvandringa. Ein pilegrim er i rørsle, villig til å bryta opp og innstilt på forandring og fornying.
Korleis kan det gjerast?
Sjølve turen kan vere kvar som helst, og den lengda som passar for deg. Ein runde i nabolaget, rundt vatnet, i skogen, på fjellet eller langs stranda. Du kan la målet for turen vere kyrkja, heilagstaden, eller kyrkja kan vere eit stopp på vandringa hvis det passar. For sjølv om du no ikkje kan kome inn i den, kan det vere fint å setje seg ned ved kyrkja og be ei bøn eller sitje i stilla.
Organiserte pilegrimsvandringar er ofte godt førebudd med eit opplegg som deltakarane får utlevert og kan ta del i. Det er vanleg å dele vandringa i stadier slik at det blir fleire stopp undervegs. I vedlagde opplegg har vi lagt ved element av dette.
Påskemeditasjon
Dersom du i påska vil ha ei meir indre vandring gjennom påskedagane, kan du lesa den korte påskemediasjonen for kvar av heilagdagane som tidlegare personalprest i Bjørgvin, Trygve Danielsen, har laga for Søreide kyrkje. Sjå lenke frå retreater.no nedst på sida.