Som ein del av markeringa av Møre bispedøme sitt 40 års jubileum blir det i perioden onsdag 30. august til laurdag 2. september arrangert ein jubileumsseglas langs Kystpilegrimsleia, frå Herøy til Smøla. Turen går innom dei seks nøkkelstadane langs leia i Møre bispedømme; Herøy, Borgund, Giske, Veøya, Kvernes og Edøy. I tillegg blir Grip besøkt.
Båten er ei gammal fiskeskøyte, og til rors står to båtglade og båtkyndige kyrkjelege tilsette; prost Sindre Stabell Kulø og domkantor Magnus Moksnes Myhre. Elles på mannskapslista står mellom andre biskop Ingeborg og nytilsett domprost Grethe Lystad Johnsen.
Opne arrangement i samband med jubileumsseglasen:
(Merk at endringar kan førekome)
Tysdag 29.august
Herøy
Kulturkveld i høve pilegrimsseglas frå Herøy - Edøy, med "Tablå" utifrå Herøyspelet. Songar og forteljingar. Kulturkvelden går av stabelen på Herøy gard. Biskop Ingeborg Midttømme i lag med skipper og mannskap på seglasen er til stades. Jekta "Anna Olava" og pilegrims-fiskeskøyta ligg ved kai. (Dersom veret ikkje tillet uteaktivitetar, blir Kulturkvelden inne i Indre Herøy kyrkje i Stoksund)
Onsdag 30. august
Herøy
Utsendingsgudsteneste på Herøy gamle kyrkjestad kl 09.00
Borgund
Program i Borgund kyrkje og på Middelaldermuseet frå kl 14.00. Pilegrimsvandring, tidebønn, omvising på museet, m.m.
Giske
Program på Giske frå kl 18.00. Tablå frå Giskespelet, Giske mannskor, kveldsmesse i Giske kyrkje, m.m.
Torsdag 31. august
Veøy
Variert program på Veøy frå kl. 18.00. Vi får mellom anna Veøy-spel, Veøya si historie v/tidlegare førstekonservator Terje Thingvold, musikk ved Britt Elise Skram og Magnus Moksnes Myhre, og tidebønn i Veøy kyrkje.
Tidsramma på Veøy er frå kl. 18.00. Retur til Nesjestranda og Molde kl. 21.00.
Fredag 1. september
Kvernes
Program frå 16.30. Pilegrimsvandring frå kaia til Kvernes kyrkje, omvising i stavkyrkja, tidebønn, m.m.
Grip
Konsert i Grip stavkyrkje ved Jorunn Marie Kvernberg og Rune Tylden kl 20.30. (Organisert båtskyss frå Kristiansund)
Laurdag 2. september
Edøy
Frå kl 12.30. Program på Gurisenteret, pilegrimsvandring til Kulisteinen, pilegrimsmesse i Edøy gamle kyrkje.
Jubileumsseglasen blir støtta av:
|
|
|
