Tema dette året er: «Der små kristne samfunn kjempar for å overleve». I Tyrkia og Irak har det vore kristne til stades heilt sidan aposteltida. Desse kyrkjene er ikkje grunnlagde av vestlege misjonærar. No kjempar desse historiske kristne samfunna for å overleva, og me kan visa dei solidaritet og handling.
I år er det 14. november som er den internasjonale «Søndag for dei forfylgde». Dette er ein økumenisk dag der truande frå mange kyrkjesamfunn går i lag for å visa samhald. Marker gjerne denne dagen i gudstenesta, men om det passar betre med ein annan dag, går det heilt fint, skriv Stefanusalliansen i ei pressemelding.
På heimesidene til Stefanusalliansen finn du mange gode ressursar. Sjå lenka nedanfor. Her finst mellom anna liturgiske element, bøner, preiketips, salmeforslag, idear for familiegudsteneste og artiklar med bakgrunnsstoff.