Det inviterast til prostidagar over heile Møre bispedømme. Eit hovudtema på desse dagane er: Kyrkja vår «meir for fleire».
Vi ønsker å sette fokus på korleis kan vi kan vere ei relevant og aktuell kyrkje for alle – «meir for fleire» gjennom ein tverrfagleg dag kor synspunkt frå dei ulike yrkesgruppene som arbeidar i kyrkja kjem til orde.
Korleis kan vi vere «meir for fleire» lokalt i kyrkjelyden vår og i fellesrådet vårt? Det blir foredrag, gruppearbeid, og refleksjonar i plenum. Det blir og tid til både kaffipausar og ein god lunsj. Alle kyrkjeleg tilsette i prostiet er inviterte.
Registrer di påmelding hos kyrkjeverje/prost seinast ti dagar før Prostidagen i ditt prosti.
Invitasjon til kurs for nye sokneråd
Kyrkjemøtet har understreka at sokneråd har styringsansvar i trussamfunnet Den norske kyrkja. Som medlemmer i eit folkevald organ er den einskilde ombod for medlemmene.
Truleg er det mange av dykk som lurer litt på kva dette ombodsarbeidet går ut på. Difor inviterer Kyrkjerådet v/Møre bispedømmekontor inn til kurskveld for alle soknerådsmedlemmene. Mange er nye og ukjente i soknerådssamanhengen, andre er røynde og har lang fartstid, nokre er usikre på om dei treng møte.
Kurset er for alle som har medlemsstatus og status som varamedlem (folkevald og prest). For nokre råd kan det også vere naturleg og aktuelt å møte med dagleg leiar/sakshandsamar/sekretær i soknet/for soknerådet.
Kva handlar soknerådskurset om
Innhaldet i kurskvelden er i hovudsak den same overalt og utvikla i eiga arbeidsgruppe.
I kvart bispedømme er det kurshaldarar som har ansvar for gjennomføring av kursa. I kvart kurs er det sett av tid til fokus på aktuelle saker i bispedømme og prosti. Det nye strategiske verktøyet til alle som arbeider i kyrkja heiter "Kyrkja vår". Dette er eit nettbasert verktøy som etter kvart skal innførast i alle sokn. Både tilsette og folkevalde i soknet skal ha tilgang.
Gjennomføringsplan:
Kursa blir gjennomførte prostivis, med unntak av i Romsdal der rådsmedlemmer kjem saman frå begge prostia.
Tidsrom: kl. 16.30 – 20.00. Kurset startar med måltid og har innlagde pausar undervegs. Sjølve kursbolken startar kl. 17.15.
Lokalisering
7/11 Søre Sunnmøre Uppheim i Volda
9/11 Nordre Sunnmøre Gomerhuset på Skodje
15/11 Romsdal Røbekk kirkesenter
15/11 Ytre Nordmøre Kristiansund kirke (Kirklandet)
(stad kan bli endra, prost varslar om evt. ny stad)
16/11 Indre Nordmøre Tingvoll menighetshus
Påmelding
Påmelding og allergibehov skal meldast til eigen kyrkjeverje innan 10 dagar før eige kurs. Kyrkjeverje melder straks inn påmeldingane vidare til kyrkjeverje på kursstaden.