Den første dagen byrja med kvardagsmesse i Aukra kyrkje og besøk i tysdagskafeen i kyrkjelydshuset. Her fekk ho møta stab og engasjerte frivillige som står på for å gjere kyrkja til ein god møteplass. Ho fekk også møta elevar i åttande klasse på Gossen barne- og ungdomsskole, som stilte biskopen mange utfordrande spørsmål.
Seinare blir det møte med kommuneleiing, besøk hos laksebedrifta Vikenco på Rindarøy, barnehage, skule og omsorgssenter, og sjølvsagt møte med konfirmantane og soknerådet.
Det blir også fleire opne arrangement. Tysdag var det misjonskveld, med presentasjon av misjonsprosjektet i Moldova, som vekker stort engasjement i Aukrasamfunnet. Heile torsdagen er sett av til Julsundet, og der blir det eit folkemøte med tema kapell og gravplass i Julsundet. Både fredag kveld og laurdag kveld er det konsertar i kyrkja. Høgdepunktet i visitasen er gudstenesta søndag kl 11, med påfølgjande visitasmøte like etterpå. Denne gongen er det i tillegg lagt inn vesper – kveldsgudsteneste – kl 16.30 saman med den katolske kyrkja.
Sjå heimesida til Aukra kyrkje for meir informasjon.