Kvart år er biskop Ingeborg Midttømme på fleire bispevisitas rundt om i prostia i Møre. Visitasa blir haldt minst kvart åttande år i kvart sokn. No i slutten av november var turen komen til Nordre Sunnmøre prosti og Spjelkavik sokn. Og for ei innhaldsrik visitasveke Noregs største sokn hadde stelt i stand!
Eit fullspekka program inneheldt mellom anna barnehage- og skulebesøk i kyrkja, salmekveld, «Heime på Hatlehol» med påfølgjande fakkeltog, besøk på Moa aldersboliger, bedriftsbesøk til Tafjord Kraftvarme, og gode møter med stab, nyvald sokneråd, frivillige, kommuneleiing og lærarar. Visitasen blei avslutta med ein flott visitasgudsteneste i Spjelkavik kyrkje søndag 26.november.
