Kyrkja har hatt ein sentral rolle i alle bygder og byar i Møre og Romsdal gjennom tusen år. Ikkje minst har kyrkja hatt ei avgjerande betydning for menneskes liv, i glede og i sorg. 40-årsjubileet gir oss eit høve til å synleggjere lokalkyrkja og noko av alt det fantastiske arbeidet som skjer i alle lokalsamfunn i bispedømmet vårt.
Jubileumsmarkeringa er tenkt å stå på fire bein:
· Jubileumsgudsteneste i Molde domkirke, 17.september
· Pilegrimsseglas, frå Herøy til Edøy, 29.august – 2.september
· Teaterturne, «Gudspartikkelen» med Svein Tindberg, 17. – 20. september
· Opne kyrkjer 16. -17. september
Historisk
Møre bispedøme blei oppretta i 1983, då det blei skilt ut frå Nidaros bispedømme og Bjørgvin bispedømme. Møre bispedøme omfattar Møre og Romsdal fylke.
Bispedøme er delt i seks prosti, 25 kyrkjelege fellesråd og 95 sokn/kyrkjelydar. Talet på kyrkjemedlemmer (2021) er 202 644, som svarar til 76 prosent av befolkninga. Bispesetet er Molde.
Den første biskopen var Ole Nordhaug (1983-1991), etterfølgd av Odd Bondevik (1991–2008). Biskop frå 2008 er Ingeborg Synøve Midttømme.
Krossen på Kulisteinen
Møre fekk tidleg eit kristent «stempel» på seg. Kulisteinen på Smøla på Nordmøre er av forskarar rekna som eit av dei tidlegaste skriftlege teikna på kristendommen sitt innpass i landet vårt. Ein stor kross er rissa inn på steinen og med runeskrift står det å lese: «Tolv vintrar hadde kristendomen vore i Noreg.» Kulisteinen blir omtala som Noregs dåpsattest. Alderen på steinen er vanskeleg å seie nøyaktig, men den kan vere reist rett etter år 1000.