Fram til denne helga har menigheten hatt gudstenestene sine på nærskulen, men no er endeleg kyrkjebygget klart til bruk! Ein einstemmig jury valde i november 2021 bidraget “En kirke full av liv” då Sædalen kyrkje skulle byggast.
Søndag vart ein festdag, der folk stod i kø for å sleppe inn - i ei kyrkje full av liv. Gudstenesta var prega av flott musikk av eit stort band med blåserekke, og ulike kor med folk i alle aldre, som sang i ulike grupper. Det var også søndagsskule med over 80 barn fordelt på to grupper.
Margrethe Øy dirigerte eit av kora under søndagens vigsling.
Framme f.v: Prest Bjørn Nygaard, menighetsrådsleder Maria Grosås, biskop Ragnhild Jepsen, diakon Linda Bårdsen, sokneprest Kjersti G. Norheim, kateket Sigrid T. Fahlvik. Bak f.v. Prost Kristin Litlere, kirkeverge Mette Svanes, statsråd Kjersti Toppe, kirkerådsleder Harald Hegstad, dirigent Gunn Waage Austad, dirigent/vertskap Margrethe Øy, pianist Eivind Austad, tekstleser Mette Bøe Lyngstad, prest Leidulf Øy, prestevikar Andreas H. Weltzien og byråd og tekstleser Reidar Digranes.
Barne- og familieminister Kjersti Toppe, kyrkjerådsleiar Harald Hegstad, kulturbyråd i Bergen Reidar Digranes og kyrkjeverge Mette Svanes deltok under gudstenesta, saman med fleire barn, unge og vaksne medlemmer i Sædalen menighet, og prost Kristin Litlere, sokneprest Kjersti Gautestad Norheim, prest Leidulf Øy og sjølvsagt biskop Ragnhild Jepsen. Fleire tilsette og frivillige deltok med forbøn og tekstlesing.
Skal fortsatt bygge kyrkje
Biskop Jepsen ba for kyrkja, og haldt ei preike på vigslingsdagen, som også er allehelgensøndag, der ho snakka om kyrkja sin betydning, og der ho trakk linjene mellom det som bind oss med tidlegare generasjoner, og det som skal fortsette framover.
-Det seier mykje om landet vårt at vi i tusen år har bygd kyrkjer, og at vi enno gjer det i dag. Det forpliktar oss som samfunn å halde fram dei verdiane mellom oss som Kristenretten innførte. Mursteinane denne kyrkja er bygd av, er levende steinar - lag på lag av byggesteinar som har gjort den til det vi ser i dag. Men difor er kyrkja heller ikkje ferdig bygd. Så lenge vi er her på jorda, skal vi bygge kyrkje, sa biskopen.
-I dag skin lyset over Sædalen! Ved å halde oss nær til Han som først kom med lyset til menneska, blir våre liv også opplyste. Det lyset skal vere over livet vårt, alle dagar.
Alle eig kyrkja like mykje
- Alle eig kyrkja like mykje, om dei er her mykje eller lite, eller berre ser den utanfrå, sa prest Leidulf Øy, som understreka at det var kyrkjekaffi til alle etter gudstenesta, slik det har vore kyrkjekaffi etter alle gudstenestene i Sædalen dei 18 åra utan eit kyrkjebygg også. Både han og kona Margrethe har vore aktive i arbeidet sidan då, og blei omtala som "mamma og pappa Sædalen" av prost Kristin Litlere, til ståane applaus.
Under kyrkjekaffien kom fleire med helsingar.
– Lykke til med å skape ei kyrkje full av liv heile veka, ein møtestad til glede for Gud og menneske, sa kyrkjebyggsjef Arne Tveit (bildet over) då han overleverte nøkkelkorta til den nye kyrkja. Samtidig takka han både kommune og den lokale byggekomiteen, kyrkjerådet og ansatte i soknet med fleire, for bevilgninger, engasjert samarbeid og den store jobben som har blitt gjort.
Kyrkjerådsleiar Harald Hegstad helste frå Kyrkjerådet og Kyrkjemøtet i Den norske kyrkje. Han var imponert over både bygget og alt det livet som fylte den på søndag.
- Kyrkjebygningens tid i Norge er ikkje over, noko vi har fått demonstrert i dag. I ein pressa kommuneøkonomi er ikkje det like lett å få til i praksis, og eg er derfor mektig imponert over at Bergen kommune har bidratt til finansiering av denne flotte kyrkja. Dette bygget forvaltar dykk på vegne av heile lokalsamfunnet her i Sædalen. La den vere eit åpent bygg med stor raushet og lave tersklar, men også eit bygg som tydeleg peikar på kvifor det står der, for å samle menneske i glede og sorg, kvardag og fest, om budskapet om Guds kjærleik i Jesus Kristus – og for å sende dei ut til teneste for sin neste i verda.
-Allereie ein menighet full av liv!
Fremste rad: Bispedømmerådsleder Oddny Miljeteig, kirkeverge Mette Svanes, byråd Reidar Digranes, kirkerådsleder Harald Hegstad og statsråd Kjersti Toppe.
Statsråd Kjersti Toppe, trus- og livssynsminister, gratulerte også med dagen. Ho var glad for å vere i Sædalen og at kyrkjebygget no står ferdig.
- Dette er ein stor dag! Eg må berre sei at eg blei så imponert over denne vigslingsgudstenesta. Det var som om de sang kyrkja inn! Det var ei oppleving å vere her som eg kjem til å hugse lenge. De er allereie ei kyrkje og ein menighet full av liv, sa Toppe, og refererte til byggprosjektet “En kirke full av liv”, som vann arkitektkonkurransen.
- Det er slik vi ønsker at folkekyrkja skal være. Ei sterk lokalkyrkje er viktig i lokalsamfunna, sa Toppe.
Gratulerer med ny "postfilial"!
Også byråd i Bergen, Reidar Digranes gratulerte med dagen. Han var glad for at kyrkja og aktivitetane der er der folk bur i nærmiljøet. No også i Sædalen. Så gratulerte han også med ny "postfilial", då han peika på noko som forbind kommunen og kyrkja. Begge er til dømes oppteken av god kommunikasjon.
- Orda kommune og comunion (nattverd) har det same latinske opphavet, som betyr felles, fellesskap eller felles deltaking. Så la meg også gratulere dykk med ny postfilial.
Han fortalde at Posten har lange tradisjoner her, heilt sidan den gamle postvegen til Kristiania blei lagt gjennom Sædalen i 1870-åra.
- No er kyrkja opna som eit slags distribusjonslager for brev, gåver og ulike former for kommunikasjon. Ikkje mellom øst og vest, men mellom himmel og jord. For kyrkja har det alltid vore viktig å få breva fram til folk. Til dømes efesarbrevet, som eg leste frå sjølv tidligare i dag. Gåvene skal også fram. Kirkevergen las om Den heilage ande sine gåver. Frå før av har Sædalen “post i butikk”. Frå i dag har Sædalen også "post i kyrkja", sa Digranes til latter frå salen.
I Sædalen kan alle bidra
Eivind Austad er frivillig i Sædalen, og spilte på flygelet under vigslingsgudstenesta, og hadde både laga ein eigen hyllingsfanfare spesielt til dagen som blei spelt under inngangsprosesjonen, og ein medley som kora sang i starten av gudstenesta. Her saman med trommis Craig Farr.
Utover ettermiddagen fortsatte folk å strøyme til kyrkja. Då inviterte frivillige og ansatte til "open dag" for alle interesserte, med leikar for barna, kafe og fleire sanginnslag frå kora i Sædalen. Menigheten reknar med at over 1000 mennesker var innom i løpet av heile dagen.
Folk i menigheten uttrykte stor takksemd over kyrkja som no står ferdig, mellom anna Eivind Austad, jazzmusikar og frivillig i Sædalens musikkarbeid.
- Dette var nydeleg å vere med på. Her i Sædalen er det så fint, her kan alle bidra med det dei kan!
(Sjå fleire bilde nedst i saken.)
Om Sædalen kyrkje
- Sædalen kyrkje blei vigsla 3. november 2024. Kyrkja har ein storleik på 1490 m2, og har 200 sitteplasser i kyrkjerommet, omtrent det dobbelte når ein innlemmer kyrkjetorget.
- Ein einstemmig jury valde i november 2021 bidraget “En kirke full av liv”, tegna av Hille Melbye Arkitekter, KOHT Arkitekter og TAG Landskapsarkitekter. Entreprenør har vore PEAB K Nordang.
- Bergen kirkelige fellesråd er den formelle byggherren. Sjølve byggeprosessen starta våren 2023. Grunnsteinen blei lagt ned av biskop Ragnhild Jepsen 23. april 2024.
- Det er få lokale møtestader i Sædalen, utanom skolebygga og fotballbanane. Med eige kyrkjebygg vil både unge og gamle få ein møtested på dag- og kveldstid.
Stort kor under ledelse av Gunn Austad.
Biskop Ragnhild Jepsen
Kirkerådsleder Harald Hegstad var med som tekstleser, sammen med Elida Klepsvik.
Kirken var fylt til randen på søndag!
Kirkeverge Mette Svanes og statsråd Kjersti Toppe leste bibeltekstar.
Barnekor i aksjon: Gud bor i kirken vår i Sædalen!
Kø inn til kyrkja.
Alle foto: Gyrid Cecilie Nygaard/Bergen kirkelige fellesråd