Samlinga vil finne stad i kyrkja laurdag 3/11, kl. 18.00. Det vert orgelmeditasjon, tekstlesing, bøner, song og ei andakt. Namna til dei som har gått bort vert lese opp og det blir høve til å tenne lys til minne om dei som har gått bort. Brev med invitasjon er sendt ut med post denne veka. Har du mist nokon av dine nære ein annan stad, men ønskjer namnet lest opp så ta kontakt med diakon Ranveig Kaldhol på mobil nr.: 909 36 841. Samlinga er open for alle som ynskjer å vere til stades.
Første helga i november er heilt frå gamal tid ei helg der vi på ein særskilt måte minnast dei som er døde. Mange går denne helga på kyrkjegarden for å tenne lys eller legge ned kransar. Vi minnast dei som har gått bort i kjærleik, takksemd. Under helgemessa søndag 4/11 vert det også høve til lystenning. Velkomne.