Austrheim kyrkjelyd ynskjer i samband med dette 50-års jubileet å invitera deg og ektemake eller anna fylgje til gudsteneste med påfylgjande bevertning.
Det er Austrheim sokneråd som står for arrangementet.
Datoen for samkoma er i år sett til sundag 6.oktober kl 12.00.
Vi håpar du har høve til å koma.
Dagen tek til med gudsteneste i Austrheim kyrkje kl. 12.00.
Det vert festmiddag, kaffi og kake på Kilstraumen Brygge.
Vi står for maten og har litt av programmet,
men det er de som skal samlast og ”mimra” om gamle dagar.
Pris for festen vert kr. 600,- pr. pers. (Vert betalt på festen)
I etterkant av gudstenesta tek vi eit bilete av dykk, som vi sender til den enkelte ei stund etter festen.
Når det gjeld reisa, så ta kontakt med oss dersom du har problem med
å koma fram. Kanskje kan vi formidla skyss med andre jubilantar?
Det hadde vore fint å høyra frå dei som ikkje kan møta òg,
vi kan bringa fram helsing på festen.
Er det nokon som har bilete frå konfirmasjonsdagen ?
Ta det med !
På oppfordring frå tidlegare 50-årskonfirmantar tek vi med at for dei jubilantane som har bunad er dette eit fint høve til å bruke den.
Hjarteleg velkomen. Helsing Helge Dyrkobotn, soknerådsleiar, og Leif Arne Økland, kyrkjeverje.
PÅMELDINGSFRIST: FREDAG 27.september 2024
* Send inn påmeldingslippen til:
Austrheim sokneråd Austrheimsvegen 1258 5943 Austrheim
* Eller ring:
Kyrkjelydskontoret tlf. 56 16 72 90
* Eller send e-post til:
post.austrheim@kyrkja.no