Dødsfall
Dei pårørande avgjere om dei vil ta hand om gravferda sjølve, eller om dei vil ta kontakt med gravferdsbyrå. Utlevering av kiste er gravferdsbyrået sitt ansvar.
Gravferdsbyrå
Det er valfritt om, og kva for eit gravferdsbyrå ein vil nytte. Det er dei pårørande si avgjerd. Det skal fyllast ut skjema ”krav om gravlegging og/eller kremasjon”. Gravferdsbyrået har skjema, og det skal sendast kyrkjelydskontoret så snart som råd. Byrået ordner og naudsynte papirer til tingretten, politiet og lokalt NAV-kontor.
Avtale om gravferd
-skal gjerast med presten. Det vert avtalt tid for samtale der ein førebur gravferda. Presten tek kontakt med kyrkjeverje som syt for at melding vert gjeve til organist og kyrkjetenar. Gravferd må haldast innan 10 virkedagar etter dødsfallet. Ein kan ikkje ha gravferd laurdag eller måndag.
Ringing med kyrkjeklokka
Når ein person i Fedje kommune døyr, er det tradisjon for at det vert ringt med kyrkjeklokka. Dei pårørande som ønskjer det, melder sjølv frå til kyrkjeverje, Det vert ikkje ringt på laurdag og sundag.
Båreandakt
Ein kan halde ein andakt etter den døde er lagt i kiste, og før kista vert sett i bårehuset. Ein kan avtale med presten eller med andre om å halde andakten. Det er utarbeidd ein enkel sermoni som kan nyttast.
Bårehuset
Gravferdsbyrået/dei pårørande må syte for at kista vert frakta til bårehuset. Gravferdsbyråa i Nordhordland og sjukeheimen har nøkkel til bårehuset. Kista står i bårehuset til gravferdsdagen, då gravferdsbyrået/dei pårørande er ansvarlege for å frakte kista frå bårehuset til kyrkja. Det må vere minimum tre personar frå dei pårørande.
Gravferdsdagen
Kyrkjetenaren låser opp kyrkja og bårehuset kl. 08:45 på gravferdsdagen, om ikkje anna er avtalt. Kyrkja har teppe til å setja kista på og sjuarma lysestakar. Når gravferdsbyrået ikkje vert nytta, er det dei pårørande som har ansvar for utdeling av sanghefte/salmebok. Det er dei som pyntar kyrkja som og har ansvar for å rydde opp etter gravferda. Det er konteinar ved parkeringsplassen ved kyrkja.
Sermoni
Dersom ein ønskjer det kan ein be organisten spele rolig på orgelet dei siste ti minutta før sermonien tek til. Presten vil gje pårørande informasjon om sermonien i kyrkja og på gravplassen i sørgjesamtalen før gravferda.
Etterpå
Grava vert lukka rett etter gravfølgjet har gått . Grava vert merka med eit kors med den døde sitt namn på, fram til det vert sett opp gravminne. Det er dei pårørande som har ansvar for at grava vert stelt. Meir om dette kan de finne i ”kyrkjegardsvedtekter for Fedje kommune”.
Nokon å snakke med
Dersom ein ønskjer nokon å snakke med i ettertid, er ein velkomen til å ta kontakt med presten.
Viktige telefonnummer:
Kyrkjekontoret: 56 16 43 35 / 951 57 569
Prest: 909 60 154
Kyrkjeverje: 400 65 231
Gravferdsbyrå i Nordhordland:
Vatne Begravelsesbyrå AS: 56 35 09 10
Nordhordland Begravelsesbyrå AS: 56 37 14 10