Bedehuskapellet vart vigsla i 1978. Frå arbeidet med bedehuskapellet starta i det små, fram til det vart vigsla, gjekk det over 40 år.
Hellevik høyrde til Holmedal sokn i Askvoll fram til kommune– og soknereguleringa i 1991. Då vart Hellevik ein del av Dale sokn i Fjaler.
Hellevik bedehuskapell
Hellevik bedehuskapell er privateigd og Fjaler sokneråd leiger huset til kyrkjelege arrangement. Det er eit styre av bygdefolk som står for drifta av kapellet. Kapellet har 120 sitjeplassar. Kyrkjedelen er enkelt inreidd med sakristi innebygd i koret avdelt med skiljeveggar. Altartavla er eit knytt veggteppe med motivet Såmannen. Orgelet har 4 stemmer frå 1980 av Starup.
