Vil du døypast?
Er du ein av dei som gjerne skulle blitt døypt eller ønskja at borna dine skulle døypast, men så blei det ikkje slik? For den som ikkje blei døypt som barn, kan vegen til døypefonten virke lang.
Vi ønskjer difor å gjere det enkelt å bli døypt, enten du er ung eller gamal. Laurdag 4. juni blir Hareid kyrkje opa for drop in-dåp. Det betyr at man kan kome som man er for å blir døypt, utan avtale. Du treng to faddere og legitimasjon, elles ingen førebungar. Dei som vil kontakte oss på førehand, eller har spørsmål, må gjerne ta kontakt med kyrkjekontoret.
Dåp i Den norske kyrkja er ikkje avhengig av alder, men at den som skal døypast ønskjer å vere ein del av den kristne kyrkja.
Faddere:
Den som vert døypt, må ha minst to fadrar. Fadrane må ha fylt 15 år og vere medlem av Den norske kyrkje, eller eit anna kyrkjesamfunn som ikkje forkastar barnedåp. Foreldra kan ikkje vere fadrar.
Alle kan døype seg
- Alle kan døypast – når som helst i livet.
- Blant alle som blir døypt, er det flest som blir døypt innan dei er ett år gamle.
- Det er også vanleg med dåp av større born, ungdomar, vaksne og eldre.
- Det er ingen krav til kva du må tru på eller korleis du skal vere for å bli døypt, det er nok å ønskje dåp for deg eller ditt barn.
Ønskjer du ein uforpliktande samtale om dåp, er det berre å ta kontakt med med oss.
Kontaktinformasjon kyrkjekontoret:
Tlf 70095130
Epost: kyrkjekontoret@hareid.kommune.no