Soknerådet vedtok følgjande betalingssatsar i møte 27.01.22:
Betaling for leige av kyrkja og kyrkjelege handlingar
- For konsertar eller liknande arrangement som ikkje er gudsteneste er minste leigepris kr. 2.500 frå 1. oktober til 31. mars og kr. 2.000 resten av året. Eller 15 % av billettinntektene dersom dette utgjer meir.
- Kor, korps og andre musikarar må betale kr. 200 pr. gong for lån av kyrkja som øvingslokale.
- Ved utanbygds vigsel: der inga av brurefolket er busett i kommunen må dei betale kr. 6.000,- Er ein eller begge busett i kommunen koster det ikkje noko.
- Ved utanbygds gravlegging (dvs. at den som skal gravleggast ikkje var busett i Lærdal) kostar det kr. 10.000 for gravlegging med kistegrav og kr. 6.000 for urnegrav. Når sermonien har funne stad i ein annan kommune vil ein måtte betale kr. 8.000 for kistegrav og kr. 4.000 for urnegrav.
- Kyrkjeverja får fullmakt i samråd med soknepresten å leige ut kyrkja til medlemmar i Dnk. Ved sterk tvil eller ved klage må soknerådet handsame saka.
Betaling for kyrkjegardstenester
- Oppretting/sentrering av gravminne kr. 1.000 (utan bruk av gravemaskin)
- Oppretting/sentrering av gravminne inkl. bruk av gravemaskin kr. 2.000
- Ved flytting av bedd/blomsterramme og blomar kostar det kr. 500 tillegg.
- Sletting/knusing av gravminne kr. 1.000
- Festeavgift; 150, kr. 1.500 for 10 år. (Festeavgift er ei kommunal avgift som vert vedtatt av kommunestyret etter tilråding frå soknerådet. Soknerådet krev inn og disponerer avgifta, ny sats frå 01.01.22).
- Lærdal sokneråd refunderer kr. 4.000 for kremasjonsavgifta ved urnegravferd (gjeld ikkje for dei som ikkje er busett i kommunen).
Leige av kyrkjestova
- Møteverksemd på kveldstid kr. 1.000,-
- Minnesamvære kr. 2000,- (eller kr. 1.000 dersom det er eit enkelt minnesamvær utan servering).
- dåpsselskap, konfirmasjon og selskap der ein kan låne kyrkjestova inkl. kjøkken helg/nntil tre dagar Kr. 3.000. Det er ikkje høve å nytte alkohol i kyrkjestova. Ein disponerer alt dekketøy i kyrkjestova. Det er plass til om lag 40 gjester.
Trusopplæring
- Konfirmantane betaler kr. 1.500,- i eigenandel, dette dekker servering/mat under samlingane, Kristus kransen, konfirmantbibel og konfirmanthelg (Voss eller tilsvarande).