– På nokre gudstenester i Lærdal tek me opp ei gåve/offer til dette arbeidet, seier sokneprest Gunnar Eldevik.
– I forbøna i gudstenesta vil me og be for dette arbeidet. Det å ha eit slikt lite samarbeid i eit anna land kan minne oss om samanhengen me blir døypte inn i. For når nokon blir døypt her i Lærdal, eller andre stadar, blir me døypte inn i den verdsvide kyrkja. Me heng saman. Kor enn me måtte vandra i den store verda, har me då ein heim i kyrkja. Det er eit fint perspektiv som eit slikt prosjekt kan minna oss om.
Misjon handlar både om å dele evangeliet om nåden i Jesus, like fullt å hjelpe menneske med sine konkrete behov. Begge delar er viktig.
Betre start
Saman med Den evangelisk-lutherske kirke i Thailand (ELCT) er misjonsselskapet med
på å gje born og unge frå fattige kår ein betre start på livet.
– I tillegg bidreg me med økonomisk stønad til opplæring og kursing for medarbeidarar og medlemmer i kyrkja. Me er også engasjert i klimasmart jordbruk
og landsbyutvikling i avsidesliggende landsbyer nord i Thailand, skriv NMS på sine heimesider.
Dei driv blant anna barnehage i slummen i Bangkok, ein heim for gravide i ein vanskeleg livssituasjon, tilbod til born frå minoritetsfolk i Nord-Thailand.
Førebygging av menneskehandel og klimasmart landbruk står også på dagsorden.