Og for oss alle som ser med slike blikk. Eit blikk er som ei solstråle; det kan lokke fram det beste i oss, få det til å gro og vekse. Lite har slik kraft som eit tillitsfullt og forventningsfullt blikk! Det lyg ikkje om det leiter etter det beste i oss, forventar det beste i oss; det gje grobotn. Lat oss vende oss til lyset i dag, lat oss la nordavinden blåse sin egen veg!
Eit vakkert blikk ut frå Volbu kyrkje og nokre linjer av
576 Som spede barnet drikk si mjølk
Tekst: Britt G Hallqvist 1977, oversett av Arve Brunvold 1978
Melodi: Conrad Baden
1 Som spede barnet drikk si mjølk,
som fuglen tek imot eit frø
for livets skuld,
Herre, lat oss ta imot ditt ord.
2 Som turre marka drikk sitt regn,
som jorda tek imot sitt såd
og gøymer det,
Herre, lat oss ta imot ditt ord.
3 Som natt mot gryet strekkjer seg,
som blomen faldar begret ut
når sola renn,
Herre, lat oss ta imot ditt ord.
4 Som fangen mot sin fridom går,
som venen tek imot sin ven
med open famn,
Herre, lat oss ta imot ditt ord.
5 Å Gud, no ventar vi på deg.
Ditt ljos, di sanning søkjer vi
for livets skuld.
Herre, lat oss ta imot ditt ord.