Magne Røe (i Litt av kvart om kyrkjene i Rogne i Øystre Slidre) noterer seg at Rogne kyrkje er skeiv. Sørveggen er visstnok 40 cm lengre enn nordveggen. Dette skeive gjer at koret; altarpartiet hallar litt til venstre slik kyrkja ser ut ovanfrå. Røe undrar vidare om det kan ha noko med at ein meinte at kyrkjebygg ikkje skulle vera feilfrie, slik vi menneske heller ikkje er feilfrie. Eller kan det vera slik nokre har meint om andre kyrkjebygg der koret «hallar litt til venstre» at det blir å likne på den krossfeste Kristi hovud slik det luter seg mot sida.
Noko å tenke på når ein sit i Rogne kyrkje og ikkje kjenner seg heil på topp, at ting går litt på det skeive! Ein er i godt lag, også med frelsaren sjølv.