Kirken.no bruker såkalte cookies til trafikkmåling og optimalisering av innhold. Hvis du klikker «Jeg forstår, lukk meldingen» aksepterer du at vi bruker cookies på sidene. Vil du vite mer om cookies, trykk «les mer».

Jeg forstår, lukk meldingen

Les mer

Pris til "Salmeboka minutt for minutt"

Salmebokmaraton-sendinga på NRK før jul er blitt heidra med pris for beste TV-program.

- Vi er veldig stolte, og vi synest det er modig av NRK å satse på noko slikt. Vi hadde ikkje trudd det skulle treffe folk så godt som det gjorde. 17 000 menneske var innom Vår Frue kyrkje, sa programleiar Camilla Tjønn Thingvoll i takketalen sin, i følge nrk.no.

"Salmeboka minutt for minutt" vart heidra med pris for beste TV-program under Ut-Awards i Trondheim tysdag 27. februar. Det er Adresseavisen som står bak utdelinga.

Salmebokmaraton-sendinga var eit samarbeid mellom NRK, Kyrkjerådet, Korforbundet i Trøndelag, Kirkens Bymisjon og Kirkesangforbundet. Kor og solistar frå heile landet deltok i framføringa av dei 899 salmane, som resulterte i 60 timar med direktesendt TV.

Millionsuksess

Heile 2,2 millionar sjåarar fekk med seg deler av sendinga. I tillegg var emneordet #nrksalme det mest brukte på Twitter helga 28. november til 30. november.

- Når nesten halve Norge har sett på salmesong-sendinga, fortel det noko om kor langt salmane når ut til folket, sa Vidar Kristensen, prosjektleiar for den nye salmeboka i Kyrkjerådet, då sjåartala var klare.

Salmeboksendinga fekk også åtgaum i utlandet. Media frå Tyskland, USA, England og Sør-Korea omtalte NRK-sendinga.