Kvart år inviterer biskopen til nyttårsmottaking i bispegarden på Hamar. Hit kjem det gjester frå lag og organisasjonar som biskopen har samarbeidd med i året som har gått. Det kjem leiarar frå ulike delar av samfunnet, og religiøse leiarar for andre trussamfunn er også inviterte. Dette vert ein møteplass på tvers, der også presteskapet samlast for å dele tankar om året som har gått, og for å sjå inn mot det nye som kjem oss i møte.
Under samlinga er det talar, musikkinnslag og allsong. Drøset går lett over god mat og kaffikoppar med biteti attåt.
Det er slik fellesskap byrjar. Med menneskemøte i gode omgjevnader.
Slik ynskjer biskopen å leggje til rette for godt samarbeid i året som kjem.
Ho avrunda talen sin, med dette diktet av tømmerhoggaren Hans Børli frå Eidskog:
Styrken –
den virkelige styrke –
har i si hand en stav
som heter svakhet.
Den dagen styrken glemmer
å stø seg til denne mjå seljestaven,
da snubler den i en kingeltråd
og brekker lårhalsen.