Misjon er ein dimensjon i all verksemd i kyrkja i Møre. Misjon er ikkje berre noko som nokon i kyrkja gjer, men noko kyrkja er! Å vere kyrkje er å fortelje evangeliet om Jesu nærvær - gjennom handling og gjennom ord.
Ofte tenkjer vi at misjon handlar om noko ”der ute” – og mange blir sendt ut. Men misjon handlar også om her vi er; å sjå menneske i kvardagen og dele Jesus i ord og handling. Gjennom ein enkel samtale. Over ein kopp kaffi.
Misjon handlar også om korleis vi som lokal kyrkje er sendt til nærmiljøet. Alle truande har del i same misjonsoppdraget. Slik Far har sendt meg, sender eg dykk Joh. 20:21
Kyrkje utan misjon er som eit hus utan vindu; det manglar utsyn og det kjem ikkje lys inn.
Kyrkja er til ved misjon - som eld er til ved å brenne. Ei kyrkje utan misjonsoppdrag sluttar å vere kyrkje.