I vigselssaka treng kyrkja no tid til å utarbeida ein sidestillt liturgi og til å tenkja ut korleis dette vedtaket skal settast ut i praksis på ein god måte. Kyrkjemøtet har konkludert med at usemje i denne saka ikkje er grunnlag for å splitte kyrkja, difor må kyrkja finne ein farbar veg med to syn på likekjønna ekteskap.
I den viktige saka om veival for kyrkja blei det også mykje diskusjon. Korleis skal kyrkja organiserast etter 2020? Det går mot ein styringsmodell der bispedømmeråda og fellesråda deler på oppgåver og ansvar, mykje på same måte som i dag.
Den kompliserte samansettinga av stateleg og kommunal finansiering av stillingar og drift av kyrkjebygg og gravplassar er nokre av grunnane til at kyrkjemøtet vil fortsette med å holde to linjer i strukturen.