Konfirmanttida i Arna er satt saman av mykje forskjellig: Gruppesamlingar med ulike tema, fellessamlingar saman med heile konfirmantflokken, leir, gudstenester, og aktivitetar som skjer i kyrkja.
Før påske er konfirmantane med på Kirkens Nødhjelp sin innsamlingsaksjon. Den avsluttande konfirmasjonsgudstenesta er flott og høgtideleg.
Vi ynskjer at du skal kjenne deg som heime i kyrkja. At det er ein plass der du kan slappe av, prate med andre, ta del i det som skjer.
Alle døypte som er fødd i 2009 får invitasjon i posten. Om du ikkje er døypt, kan du sjølvsagt vere med på konfirmasjonssamlingane. For å bli konfirmert, må du vere døypt. Så om du ikkje er det frå før, blir du det før konfirmasjonen.
Alle har rett til ei god konfirmanttid uansett funksjonsevne. Dersom nokon treng tilrettelegging, så finn vi dei gode løysingane saman.
I kyrkjelydshuset er det ungdomsklubb annankvar tysdag kl. 1900-2100. Der er det mat, leik, andakt og sosialt fellesskap. Alle ungdomar er velkomne der!
Det skal vere informasjonssamling i kyrkja i oktober, der vi fortel meir om konfirmanttida. Følg med på kyrkja si heimeside og Facebook for informasjon om tidspunkt og detaljar når det nærmar seg.
Konfirmasjonsdagane i 2024 er 1. september, 7. september og 8. september.
I løpet av oktober vil det kome informasjon og digital påmelding på Arna kyrkje si heimeside. I påmeldingsskjemaet kan du ynskje dato for konfirmasjon. Følg med på www.kyrkja.no/arna
Vi gler oss til å møte deg!
Les også saka Arna prøver ut haustkonfirmasjon!
Foto: Bo Mathisen/Kyrkjerådet