Her på øya er det faste gravferdsdagar: tysdag og fredag kl. 10.30 og kl.13.00.
Kyrkjekontoret har oversikt over dette og står for samordning med Ulstein.
Presten brukar vanlegvis å ha sørgesamtale med pårørande i god tid før gravferda.
Når det gjeld salmar i gravferda kan ein ta kontakt med presten eller organisten for å få rådgjeving om dette.
Følg lenken for å lese om gangen i ei gravferd:
http://kirken.no/nb-NO/gravferd/gravferd-i-kirken/gangen-i-seremonien/
Kostnadar ved ei gravferd
Det er gratis å bli gravlagd i si eiga heimkommune. Staten yter tilskot basert på innbyggartal og i Hareid kommune er kyrkja gravplassforvaltar. Dersom avlidne var busett i ei anna kommune tilkommer avgift for gravlegginga og festeavgift må betalast for fredningstida (20 år).
Dersom ein ynskjer å ha ein gravferdsseremoni i kyrkja er det gratis for medlemmar av Den norske kyrkja busett i Hareid kommune. Andre må betale etter faste satsar for dei tenestene dei ynskjer utført.
Alle seremoniar i Hareid kyrkje skal skje etter Den norske kyrkja sin liturgi i samarbeid med tenestegjerande prest.
Dersom ein i samband med seremonien ynskjer preludering (orgelspel ca. 20 min. før seremonien startar) eller at organisten skal spele til forskjellige solist-innslag tilkommer avgifter for dette etter faste satsar.