– Ei gåve i rett tid til Den norske kyrkja

Mange hadde møtt fram i Hamar domkyrkje for å ta eit siste farvel med Rosemarie Köhn, den første kvinnelege biskopen i Noreg. Preses Olav Fykse Tveit skildra henne som ei gåve til Den norske kyrkja og til det norske samfunnet.

Rosemarie Köhn døydde 30. oktober, 83 år gamal. Preses Olav Fykse Tveit heldt minnetalen i gravferda hennar. Sjå opptak av gravferda i NRK TV her.

– Ho var ei av dei første kvinner som vart ordinert til presteteneste. Ho var den første kvinna som var rektor for Det praktisk-teologiske seminaret ved Universitetet i Oslo. Ho vart i 1993 Den norske kyrkjas første kvinnelege biskop, men også den første i Norden og den tredje i den lutherske verdsfamilien. Med dette vart ein draum oppfylt, om at likeverd og likestilling skulle gje seg eit slikt uttrykk i kyrkjas leiarskap. Slik er ho ikkje berre ein person. Ho endra også kyrkjehistoria.

Fykse Tveit skildra Köhn som ei gåve: 

– Ho var ei heilt spesiell gåve i rett tid til Den norske kyrkja og til alle hennar medlemmer, men også til heile det norske samfunnet. Vi ser overveldande teikn på dette i dag, og vi høyrer og les det som vert sagt om kor mykje ho fekk bety for så mange. Det takkar vi henne for i dag. Vi takkar Gud for den ho var.

Sannhetens øyeblikk

Gravferda var leia av tidlegare Hamar-biskop Solveig Fiske. I talen fortalde ho om "Sannhetens øyeblikk" som Köhn opplevde. 

– Sannhetens øyeblikk der biskop Rose såg evangeliet si varige vilje og stod opp for det frigjerande og gode som Jesus Kristus kom med og stadig kjem med. 

– No er ho overgjeven i Guds gode hender – til den kjærleik som er sterkare enn døden, avslutta Fiske. 

Ei som samla

Fleire frå det offisielle Noreg var til stades i gravferda, mellom anna H.M. Dronning Sonja, første visepresident på Stortinget Svein Harberg og Høgyesterettsjustitiarius Torill Marie Øie. Frå regjeringa deltok Trygve Slagsvold Vedum, Kjersti Toppe og Anette Trettebergstuen. 

I helsinga frå regjeringa peika Trygve Slagsvold Vedum på at utnemninga av Kåohn som kvinneleg biskop var kontroversielt. 

– Det at ho var kvinne var nok til å skape splitting. Men Rosemarie Köhn sjølv – biskop Rose – var ikkje ei som splitta. Ho var ei som samla. 

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Internet options / Privacy / Location / klikk på "Clear sites"

Chrome

Settings / Advanced / Priacy and security / Content settings / Location -> Fjern "kirken.no" fra blokkert-lista

Firefox

Options / søk etter "location" / settings / Fjern "Kirken.no" fra blokkert

Safari

Settings for this website / Location -> "Allow"