Desember byr på mange aktivitetar knytt til advent og jul, og mange har planar om å delta på det som skjer. Sjå kva som skjer på skjerikyrkja.no.
To av tre har planar om å besøke kyrkja eller kyrkjegarden i løpet av desember. Det viser tal som Opinion har henta inn på vegne av Den norske kyrkja.
Viktig bodskap i ei uroleg verd
– Kyrkja og julebodskapen betyr mykje for folk, og vert kanskje ekstra viktig i år, seier kyrkjerådsleiar Kristin Gunleiksrud Raaum.
Ho trur bodskapen blir viktig i ei stadig meir uroleg verd:
– Kyrkja er eit rom å kome inn i, med ei forteljing om at Gud ikkje har snudd ryggen til verda. Lyset skin i mørket, og mørket har ikkje overvunne det, står det i Bibelen.
Ein av fire på julekonsert
Undersøkinga viser at ein av fire planar om å delta på julekonsert eller anna kulturarrangement.
– Musikken har stor betyding for å få formidla julebodskapen, og mange har julekonsertar som ein viktig del av sine juletradisjonar, seier Raaum.
Les meir om julefeiring i Den norske kyrkja på kyrkja.no/jul
Oppdatert 21.12.23 med nedlastbar tabell.