I ei oppdatert trusselvurdering, peikar Politiets sikkerhetstjeneste (PST) på at kyrkjer og kristne forsamlingshus framstår som aktualiserte terrormål i Europa.
Dei understrekar at det ikkje ligg føre konkrete truslar mot Noreg, og at det er trygt å feire nyttår i kyrkja.
Den norske kyrkja på nasjonalt nivå har jamnleg kontant med PST, seinast nyttårsaftan. Tilbakemeldinga frå PST er at kyrkja sine arrangement kan gå som planlagt.
– Mange stader inviterer kyrkja til gudsteneste nyttårsaftan og nyttårsdag for å markere det nye året, seier kyrkjerådsdirektør Ingrid Vad Nilsen.
På skjerikyrkja.no kan du velje kommune og finne ei gudsteneste der du er.
– Alle arrangement kan gå som planlagt, og vi kan ynskje velkomen til nyttårsfeiring i kyrkja, seier kyrkjerådsdirektøren.
Politiet vil kontakte kyrkja dersom dei meiner det er grunn til at kyrkja må ta spesielle omsyn.