Kampanjen, som går i fem veker rundt studiestart, har bodskapen «Tett på livet – alltid», «Nært på livet. Hele livet» og «Helt nært, hele livet» med bilete av ein kateket, diakon eller ein prest. Små filmsnuttar har teksta «Lykke til med studiestart! Kanskje blir vi kolleger en dag? Jobb i kirken» og «En jobb nært på hele livet. Jobb i kirken.»
Kanalane som vi nyttar, er Snapchat og display (annonser på ulike nettstader). Dei digitale annonsane leiar til jobbikyrkja.no, og dei som blir eksponerte for dei, er i alderen 18-25 år og med interesse for kyrkje/kultur/utdanning. Kampanjen skal ikkje berre ønske nye studentar lukke til med studia, men har òg som mål å syne at kyrkja er ein god arbeidsplass.
No, knapt to veker uti kampanjen, er resultata allereie gode, med over 200 000 visningar og 650 klikk på annonsane på display. På Snapchat har kampanjen ei dekning på 50 prosent i målgruppa.