Kvifor «Plan for kyrkjemusikk»? Planen understreker og konkretiserer korleis kyrkjemusikken har ein heilt sentral plass i kyrkjelyden sitt liv. Hovudmålet med Plan for kyrkjemusikk er å styrke og sikre det kyrkjemusikalske livet i kyrkjelydane og kyrkja si formidling av tradisjonell og ny kyrkjemusikk. Planen kommuniserer retning og mål for det kyrkjemusikalske livet, skaper større medvit hos fleire, og er eit verkemiddel for prioritering av kyrkjemusikk. Plan for kyrkjemusikk er ein rammeplan som gjev kyrkjelydane hjelp til å utarbeide ein lokal plan for kyrkjemusikk
Planen startar med ei innleiing og eit kapittel om det teologiske grunnlaget for kyrkjemusikken. I kapitlet «Musikalsk verksemd i kyrkjelyden» finn vi ei innleiing om korleis kyrkjemusikken ber med seg både eit trusopplæringsperspektiv, eit diakonalt og inkluderande perspektiv, eit kulturelt perspektiv og eit profetisk perspektiv. Deretter skildrar planen sju grunnsøyler i den kyrkjemusikalske verksemda:
- Gudstenester og kyrkjelege handlingar
- Korverksemd
- Heimen
- Skule, barnehage og kulturskule
- Institusjon
- Kyrkja som konsertarena
- Instrument og bemanning