Kvar kandidat fekk omlag eitt minutt til å koma med ein appell. I tillegg er det viktig at ein les kandidatane sine svar på 10 spørsmål og ser på den to timar lange sendinga med presentasjon før ein stemmer.
Video med appellar (foto og regi: Kyrkjerådet)
Opptak av presentasjon og samtale med alle kandidatane
Presentasjon av kvar kandidat med og videoappell og skriftleg svar på 10 spørsmål finn du ved å trykka på boksane i ulike blåtonar nedanfor.
Frist for å stemma er 5. januar. Dei som har stemmerett er alle sokneråd, Ungdomsrådet, prestar, vigsla kateketar, diakonar og kantorar i ordna kyrkjeleg stilling i Bjørgvin bispedøme. I tillegg har òg andre utanfor Bjørgvin bispedøme stemmerett i den rådgivande avstemminga: prostane i resten av bispedøma, representantar frå dei teologiske utdanningsinstitusjonane med tale- og forslagsrett på Kyrkjemøtet og leiarane av dei praktisk-teologiske utdanningane ved desse institusjonane, i tillegg til representantar frå Ungdommens kyrkjemøte med tale- og forslagsrett på Kyrkjemøtet.
Kven av dei tre kandidatane som går vidare, vil bli offentleggjort den 6. januar, truleg rundt kl. 13.00. Det er kyrkjerådet som har ansvar for gjennomføringa av bispevalet.