Tilsetjingar
Følgjande prestar har blitt tilsett og teke mot stillinga:
- Sokneprest i Nordhordland prosti med sokna Austrheim og Fedje som tenestestad: Stein Hugo Fykse
- Sokneprest i Vesthordland prosti Strusshamn sokn som tenestestad: David Skutlaberg
- Spesialprest i Sunnfjord prosti: Fredrik Bråttvik
- Sokneprest i Sunnfjord prosti Askvoll sokn som tenestestad: Tommy Erdal
- Soknerprest i Nordfjord prosti med Sør-Vågsøy sokn som tenestestad: Beate Folkestad Osdal
Samanslåing
Bispedømerådet gjorde vedtak om å slå saman sokna Ølve og Hatlestrand med verknad frå 1. januar 2024. Det nyvalde soknerådet vil fungere som felles sokneråd for dei to sokna ut 2023. Ei endeleg stadfesting på namn skal gjerast i bispedømerådet innan årsskiftet. Inntil det skjer vil namnet Ølve og Hatlestrand sokn bli brukt, bl.a. på vallistene.
Sokna Hafslo og Solvorn vart slått saman etter vedtak i bispedømerådet 14. februar. I møtet 28. mars gjorde bispedømerådet vedtak om at det nye soknet skal heite Hafslo og Solvorn sokn.
Høyringar
Bispedømerådet vedtok høyringssvar om endringar i personalreglement for Den norske kyrkja. Sjå lenke til vedlegg nedst på sida.
Bispedømerådet vedtok også høyringssvar om Kyrkjemøtet sin dagsorden. I vedtaket heiter det at bispedømerådet har tillit til at kyrkjerådet kan vurdere den beste organiseringa av Kyrkjemøtet. Med tanke på lengda, støttar ein at kyrkjemøtet kan vare tre til fem dagar. – Regelsaker og eventuelt liturgisaker kan med fordel handsamast på ein enklare måte, skriv Bjørgvin bispedømeråd som ønskjer å behalda både tema og andaktsliv på Kyrkjemøtet.
Årsrapport
Bispedømerådet godkjende årsrapporten for 2022. Sjå lenke nede på sida til årsrapporten.
Bispedømerådet godkjende protokoll frå møte 14. mars. Den finn du lenke til nedst på sida. Nye reglar gjer at innstillingar og voteringar ikkje er teke med i den offentlege protokollen. Desse opplysningane kan etterspørjast.