Plakat Verdsarvgudstenesta 2020
Gudstenesta har skaparverket som tema. Eit fyldig program omfattar m.a.:
- Korpsmusikk og korsong
- Tale ved sokneprest Per Inge Vik
- Bøner og tekstlesing ved barn og unge
- Musikalsk leiar Gunnar Inge Eide
– Mange er blitt „sperra inne“ den seinare tid på grunn av smittesituasjonen i samfunnet. Frå 15. juni går ein ut frå at myndigheitene opnar for arrangement med inntil 200 personar. Difor er det med glede vi inviterer til dette flotte friluftsarrangementet i Geiranger, seier prost Svein Runde. Han understrekar at alle er velkomne; både frå prostiet og alle andre!
Hausetsetra ligg nydeleg til i øvre del av Møllsbygda, med flott utsikt over fjorden. Dette var setra til Årset og Møllseter. For å kome til gudstenesta er det parkering på Korsmyra, på høgda mellom Eidsdal og Geiranger. Frå parkeringsplassen er det 15 minutt å gå til Hausetsetra.
Etter gudstenesta:
- Hamnesjefen i Stranda kommune, Rita Berstad Maråk deler sine refleksjonar om kva det har å seie næringsmessig og miljømessig for Geiranger og distriktet at Cruiseskipa no uteblir på fjorden, og turismen elles minkar.
- Einar Hol vil informere om oppgåvene til Verdsarvstiftinga og om diverse turar i Indre strok. Det vert også lagt opp til natursti i området.
Bildet: Verdsarvgudstenesta 2019, med frå v. verdsarvprest Morgan Berg, biskop Ingeborg Midttømme og sokneprest Stein Karstensen.
Indre strok av Nordre Sunnmøre prosti, som omfattar Skodje, Sykkylven, Ørskog, Stordal, Norddal og Stranda, samarbeider med Stiftinga Geirangerfjorden Verdsarv om m.a. berekraftig utvikling og kulturvern.
Alle er velkomne til gudstenesta. Ta med niste og sitteunderlag.
Arrangør er Nordre Sunnmøre prosti i samarbeid med Stiftinga Geirangerfjord Verdsarv.
Plakat Verdsarvgudstenesta 2020
For meir informasjon:
Svein Runde
Prost i Nordre Sunnmøre prosti
Mobil: 91114095 - E-post: svein.runde@kirken-alesund.no