Open kyrkje er ein annan måte å vere kyrkje på - for lokalmiljøet, pilegrimar, turistar og andre. Kyrkjene er eit levande uttrykk for trua – og representerer ein årtusenlang handverkstradisjon, arkitektur-, kultur- og kunsthistorie. Møtet med eit ope og stille kyrkjerom gir moglegheit til å lene seg inn til søyler av tidlegare menneske si tru og erfaringar.
Rettleiaren Åpen kirke ønskjer å inspirere, motivere og peike på moglege måtar å leggje til rette for fleire opne kyrkjer. Der er også tips om korleis frivillige kirkevertar kan bli rekrutterte og skulerte, som ein del av livet i kyrkjelyden og som eit bidrag til utvikling av lokalsamfunnet.
Ei arbeidsgruppe i kyrkjerådet har utarbeidd rettleiingsheftet ÅPEN KIRKE. Bakgrunnen for satsinga er m.a. kyrkjemøtesak Rapport og veivalg for Den norske kirkes kunst- og kultursatsing KM 11/18, vedtak 13 Åpne kirker og pilegrimsarbeid:
«Kirkemøtet ser at åpne og tilgjengelige kirkerom er viktige både for lokalsamfunnet og mennesker på reise. Kirkemøtet oppfordrer menighetene til å samarbeide med hverandre og relevante samarbeidsparter for å sørge for flere åpne kirker. Særlig er dette viktig langs pilegrimsledene.»
BROSJYREMAL: I Den norske kyrkja sin ressursbank på nett finn du brosjyremal for Opne Kyrkjer.
Åpen kirke - veiledning og kommunikasjon
Open kyrkje – brosjyremal for kyrkjelydar
Veileder for sikring av åpne kirker