Konfirmantane har tidlegare lært at vi er ein del av den kristne fellesskapen, ein del av ei verdsvid kyrkje. Det er eit viktig element å ha med når vi lærer om Kirkens Nødhjelp og Fasteaksjonen.
I den årlege fasteaksjonen samlar konfirmantar frå heile landet, også Ulstein, inn pengar til Kirkens Nødhjelp sitt viktige arbeid. I år skal vi IKKJE gå med bøsse frå dør til dør grunna koronaviruset. I staden brukar vi den digitale bøssa, og har ein digital innsamling på facebook. Innsamlingsaksjonen finn du her:
https://www.facebook.com/donate/324904881800871/324904898467536/
Under normale omstende brukar Fasteaksjonen å samle inn i overkant av 100.000,- kroner i Ulstein kommune. Grunna den spesielle situasjonen, også med omsyn til at mange er eller står i fare for å bli permitert, har vi satt oss eit mål om å samle inn 50.000,- kr.
Om du vil lese meir om Kirkens Nødhjelp eller fasteaksjonen, kan du gå inn her:
Jesaja 58, 5-7:
Er dette den fasta eg har valt,
ein dag då mennesket plagar seg sjølv,
bøyer hovudet som eit siv
og legg seg i sekk og oske?
Kallar du dette for faste
og ein dag etter Herrens vilje?
6 Nei, dette er fasta eg har valt:
å løysa urettferdige lenkjer,
sprengja banda i åket,
setja undertrykte fri
og å bryta kvart åk sund,
7 å dela ditt brød med svoltne
og la hjelpelause og heimlause koma i hus.
Du skal sjå til den nakne og kle han,
du skal ikkje snu ryggen til dine eigne.