Det er etter kvart blitt ein tradisjon med gudsteneste i Tjorehagen - og i år ser det ut til at vêret definitivt er med oss! Dermed treng ikkje blåsegruppa frå Manger Old Star Brass bekymra seg for vatnfylte instrument!
Soknepresten vår, Kjell Sekkingstad, leiar gudstenesta og det blir fellessong med kjende og kjære salmar. Vi har også med oss gode kyrkjevertar som registrerar alle i tråd med smitteverntiltaka vi må leva med for tida.
Kl 12:00 innbyr Nordhordland kunstlag til utstilling fram til kl 16:00. Det vert også sal av kaffi og svele, og god tid til å utforske den vakre rhododendronhagen.
Vel møtt til ei fin stund i Tjorehagen!
- Tjorehagen ligg ca. 40 minuttar med bil frå Bergen sentrum, litt sør for Austmarka og Sæbø skule. Adressa er Radøyvegen 550, 5938 Sæbøvågen. God parkering like ved vegen.