For første gong sender vårt nye fellesråd ut tilbod om fornying av gravfeste. Desse går no ut til alle som er registrert som festar for ei grav eller ein gravstad som skal fornyast i år.
I Alver er festetida satt til 5 år for alle gravplassane. Det var ulike periodar (1 år, 5 år og 10 år) i våre gamle fellesrådsområde, men no er festetida lik for alle. Dette tyder at dei alle fleste no vil få tilbod om å fornye gravfestet for perioden 2020-2025.
I nokre tilfelle, t.d. der gravene i ein gravstad har ulik festeperiode, vil desse verta samkøyrd slik at. begge gravene forfell til betaling samtidig ved neste fornying. I slike tilfelle kan tilbodet du får vere for ein kortare eller lengre periode enn 5 år.
Samanslåinga til Alver har også ført til at våre ulike administrasjonssystem for gravplassane er slegne saman. Dette gjev oss nokre utfordringar og dersom det er noko feil med tilbodet du får tilsendt, vonar vi at de vil kunne ha forståing for dette. Vi gjer alt vi kan for å rette opp i feil på førehand, men vi klarar nok ikkje å fange opp absolutt alt. Ta kontakt, så hjelper vi deg!
- For spørsmål om faktura kan du ringja oss på 4000 7411.
- For generelle spørsmål om graver, bruk hovudnummeret vårt 4000 1691.
Telefonen er open måndag til fredag mellom kl 10 og 14.