Ei tid etter eit tap vil mange oppleve at det er godt å treffe andre som har vore gjennom noko av det same.
Kyrkja i Alver og Kreftkoordinator i Alver kommune ønskjer å vere til hjelp med å tilby sorggruppe for menneske som opplever sorg. I gruppa kan ein setje ord på kjensler, tankar og opplevingar kring sorg og tap, og saman med andre i liknande situasjon få hjelp til å finne styrke til å gå vidare med tapet.
Anne-Britt Hauge, som er kreft-koordinator i Alver er med, men det tyder ikkje at tilbodet er berre for etterlatte etter kreft.
Sorggruppa skal vere eit trygt fellesskap.
¨ Ei sorggruppe er eit tilbod om støtte til etterlatte etter dødsfall
¨ Gruppa har 4-8 deltakarar, som møtes til faste tidspunkt
¨ Kvar samling er 1,5 time
¨ Gruppa samlast mellom 8 og 10 gonger, ut frå talet på deltakarar
¨ Gruppa er for alle– uavhengig av livssyn
¨ Ein vel sjølv kor mykje ein vil dele
¨ Gruppa baserer seg på gjensidig teieplikt
¨ Gruppa er gratis
¨ Gruppa vert leia av to eller tre av kontaktpersonane. Det vert faste leiarar for gruppa.
Sjå brosjyra som ligg som lenkje under.
Første sorggruppe startar i slutten av januar. Påmelding innan 10.januar.
Kontakt ein av diakonane, Ruben eller Gudveig for meir informasjon. Sjå kontaktinfo under.
Eller Kreftkoordinator Anne- Britt Hauge, 40910889.