I rundt 5 år har vi gledd oss over eit stabilt, stort og strålande orgel i Fitjar kyrkje. Det gir løft til gudstenester og samlingar, og lovsongen vert sterk!
No har du høve til å oppleve orgelet i ein litt annan samanheng. Torsdag 27.04 kjem domkantor i Bergen, Sigurd Melvær Øgaard til Fitjar og spelar konsert i kyrkja kl. 19.30. Han har med seg songaren Laurie Robertson Øgaard, og det vert både rein orgelmusikk og verk for song og orgel. Mellom anna får vi høyre musikk av både Bach og Händel, og det vert smakebitar frå amerikansk musikk som vi kanskje ikkje så ofte høyrer.
Sigurd Øgaard er ein av Noregs dyktigaste organistar, og på vegner av temakveldgruppa er det ei stor glede å ønske han velkomen til Fitjar! Det kan vere lenge til neste orgelkonsert, så me oppmodar folk til å nytta høvet.
