På temakvelden no i oktober vert det konsert med sju vaksne mannfolk frå Fitjar. I vår vart Harald Rydland utfordra til å arrangera konsert på Øvrebygda Bedehus. Saman med gode musikalske vener vart det framført eit program med songar frå Elvis Presley sitt gospelrepertoar og evangeliske songar av Aage Samuelsen, - ein spenstig kombinasjon. No tek dei konserten med seg til temakvelden i Fitjar kyrkje.
Programmet har eit stort spenn, med alt frå rolege balladar, til gospel- og vekkelsessongar med godt driv. Roald Drønen vert med og bind programmet saman.
Dei glade amatørane som deltek på konserten er:
Harald Rydland, kapellmeister på piano, trekkspel og melodika
Tom Rydland, song og tamburin
Arve Rydland, song
Heine Helland, bassgitar
Sigurd André Maraas, gitar
Dagfinn Brekke, gitar og trompet
Bjørnar Jakobsen, trommer
Karane seier dei har stor glede av å spela i lag, og håpar at publikum vil gleda seg saman med dei på temakvelden i Fitjar kyrkje den 27. oktober.
