Lars Håvard er frå Langevåg, gift og har tre barn. Av yrke er han utdanna allmennlærar med kristendom i fagkrinsen. Han har jobba i barneskulen som kontaktlærar og i tillegg har han jobba 2-3 år som vikar i Den norske kyrkja i Sula med ulike alderstrinn i truspplæringa. Lars har tilsaman 16 års erfaring frå arbeid med born og ungdom gjennom arbeid i skule og kyrkja. Han spelar gitar og bass og har litt erfaring frå dirigering av barnekor. Planlagt oppstart i stillinga er 12. august, men han vil ta del på enkelte tiltak våren 2024.
Han seier at han gleder seg til å jobbe for Hareid sokn og til å bli kjent med både kollegaer og kyrkjelyd. Vi ynskjer Lars Håvard hjarteleg velkomen og gleder oss til å få han med på laget!
Vi ynskjer Lars Håvard velkomen til Hareid
Det er med glede vi kan ønskje velkomen til Lars Håvard Eikrem (43) som har takka ja til stillinga som kyrkjelydspedagog (80%) hos oss. Lars Håvard skal vere med å styrke arbeidet blant barn og unge og vil få ansvar for undervisning i aldersgruppa 11-18 år, samt ansvar for ungdomsarbeid og Ten-Sing i samarbeid med Hareid KFUK/M. Stillinga vert i nært samarbeid med noverande kyrkjelydspedagog, som er leiande pedagog og som har hovudansvar for aldersgruppa 0-10 år og samarbeidet med barnehagar og skule. Trusopplæringa er godt utbygd, og kyrkjelyden fekk i si tid trusopplæringsprisen for arbeidet.
Lars Håvard Eikrem er vår nye kollega i Hareid sokn, og skal vere med å styrke arbeidet blant barn og unge og vil få ansvar for undervisning i aldersgruppa 11-18 år, samt ansvar for ungdomsarbeid og Ten-Sing i samarbeid med Hareid KFUK/M. Foto: privat