The Passion of Jeanne of Arc
År: 1928
Regi: Carl Theodor Dreyer
Lengde: 107 min
Aldersgrense: 9 år
Sjanger: Stumfilm, historisk drama
Regi: Carl Theodor Dreyer
Lengde: 107 min
Aldersgrense: 9 år
Sjanger: Stumfilm, historisk drama
Filmen er spesielt kjend for sine intense nærbilde av Renée Jeanne (Maria) Falconetti sitt ansikt, som formidlar Jeanne d’Arc sine indre kampar og lidingar. Prestasjonen blir omtala som «kanskje den finaste framføringa som nokon gong har blitt tatt opp på film» - og det blir sagt at du ikkje kan kjenne stumfilmhistoria utan å kjenne ansiktet hennar.
Handlinga utspelar seg i 1431, då Jeanne d’Arc blir stilt for retten. Etter å ha leia dei franske styrkane til mange sigrar i Hundreårskrigen, er ho fanga og anklaga for kjetteri. Jeanne d'Arc meiner ho er sendt på oppdrag frå gud.
Filmen er fransk og regissert av ein danske, men den har også litt norsk historie. Den orginale versjonen var tapt i fleire år etter at filmen vart klipt om etter ordre frå erkebiskopen i Paris. Ein kopi av orginalversjonen vart funnen att i 1981 i ein vaktmeisterbod på Dikemark sjukehus. Direktøren skal ha vore ein ven av regissøren. Filmen hamna først på lager hos Norsk filminstitutt, før han vart sett i stand og gitt ut på nytt. Det er denne versjonen vi skal vise.
Filmen har over tid blitt framført med ulik musikk. Vi har gitt organist Erlend Os frie taumar til å velje korleis han vil løyse oppgåva.
Vi trur dette blir ei fin og mektig filmvising i Førde kyrkje