I St. Jakob finn du møteplassar for ungdom og unge vaksne i form av grupper, kor, kulturaktivet, lesesal med lunsj, temakveldar og regelmessige gudstenester, alt basert på stor frivillig aktivitet.
– Vi har stor tru på dette arbeidet med ei ung kyrkje, midt i byen, seier prest i St. Jakob, Øyvin Rudolf Sønnesyn Berg. Midt i pandemien har det vore ein del aktivitet og planane for hausten er mange. Visjonen bak arbeidet er «Vi bygger fellesskap, vi skaper kultur, vi søker Gud».
Arbeidet i St. Jakob er eit samarbeid mellom Bergen domkirke menighet, Bergen kirkelige fellesråd, Bjørgvin bispedøme og Bergen KFUK-KFUM Ynglingen. Kyrkja, som fyller 100 år i år, er som del av samarbeidet også base studentprestane i Bergen.
Onsdag 2. juni vart det skrive under ein ny samarbeidsavtale om vidare samarbeid mellom desse partane.
Foto nedanfor frå signering av samarbeidsavtalen: (F.v.) Asbjørn Vilkensen, kirkeverge, Christan Nesset, menighetsrådsleder Bergen domkirke menighet, Jan Sverre Stray, Bergen KFUK-KFUM, stiftsdirektør Jan Ove Fjelltveit, Bjørgvin bispedøme og dagleg leiar Bernt Forstrønen, St. Jakob.
