Me i kyrkja ynskjer å invitera alle som er fødde i 2021, til ei samling i Ytre Arna kyrkje onsdag 29. mai kl. 17.00. Me syng litt i lag og høyrer forteljinga om sauen Krølle som gjekk seg bort. Alle som vil, får leita etter sitt eige vesle koselam som dei kan ta med seg heim. Me håpar òg å få og helsa på eit ekte lam på plassen utanfor kyrkja.
Det er og Generasjonsmiddag på Kyrkjelydshuset (huset bak kyrkja) denne dagen, frå kl 14-17, så viss de har lyst til å sleppa å laga middag, er det berre å møta opp der og få mat før samlinga startar. Det blir deilig, heimelaga mat og høve til leik.
Påmelding til mm469@kyrkja.no innan 27. mai.
Håpar du har lyst til å koma!
Helsing
Margreta Myklebust
Trusopplærar i Ytre Arna