KONFIRMANTAR 2025
Konfirmantpresentasjon sundag 25. august 2024 - med informasjonsmøte etterpå. Undervisninga tek til onsdag 4. september. Konfirmasjonsdagar: 27. april og 4. mai 2025. Du kan melda deg på her.
Les merEi tid for nye opplevingar!
Konfirmasjon i kyrkja handlar om å utforska kristen tru og dei store spørsmåla i livet. Du er velkommen til konfirmasjon i kyrkja anten du trur, tvilar eller berre er nysgjerrig.
Ordet konfirmasjon kjem av det latinske verbet confirmare, som tyder å styrkja eller stadfesta. I konfirmasjonstida får du læra meir om Gud og deg selv. Vi snakkar om livet – om gleder og utfordringar.
Bli med på ei spennande reise fram til den høgtidelege konfirmasjonsdagen! Vi i kyrkja i Ytre Arna gleder oss til å ta imot nye konfirmanter fra hausten av! Alle som er døypte medlemmer av Den norske kyrkja og er folkeregistrerte i Ytre Arna, får brev med registreringsskjema. Viss du ikkje er døypt, er medlem av eit anna kyrkjesamfunn, eller bur utanfor Ytre Arna sokn, men ønskjer å bli konfirmert i Ytre Arna, finn du både innskrivingsbrev og skjema for påmelding nedanfor. Du kan òg ta kontakt med presten, Ingvar Fløysvik, anten på tlf. 916 06 626 eller e-post if952@kyrkja.no.
