Informasjon på norsk
Liturgier nederst på sida i word og pdf-format.
Girkoráđđi lea njukčamánu 26. beaivvi 2020 meannudan oaniduvvon hávdadanortnega. Dan sii dahke lobiin maid Girkočoahkkin lea addán áššis KM 8/2002. Sámi girkoráđđi lea dohkkehan sámegiel jorgalusaid áššiin SKR-AU 1/20, 2/20 ja 3/20.
Ulbmil oaniduvvon ortnegiin lea ahte báhpat ovttas oapemhaččaiguin sáhttet váljjet oanidit hávdádemiid eambbo go dábálaš hávdádanortnegiin. Oaniduvvon ortnegiin bistá hávdádeapmi sullii 20 minuhta.
Dát lea jurddašuvvon vejolaš hávdadanortnegiin. Galgá mearriduvvot ovttas oapmehaččaiguin jus áigu dán ortnega atnit. Girkoráđi mearrádus lea čadnon dan dillái mas mii dál leat, Covid-19 rohttodávdda dihte.
Dát ii leat ođđa ortnet. Dát lea maŋemus dohkkehuvvon hávdadanortnet mii lea oaniduvvon. Dat lea maid dat ortnet maid eanaš searvegottit atnet.
Dehálaččamus rievdadusat oaniduvvon hávdádanortnegis:
- Eanas sáhttá-oasit leat váldon eret
- Buot sálmmat leat sáhttá-oasit, dat mearkkaša sáhttá válljet ahte ii leat sálbma dakko.
- Vejolašvuohta buktit oanehis dearvuođaid, bidjat liđiid, kránssaid ja eará vejolaš muitodagut, dego muitosáni lohkan, musihkka čuojaheapmi, gintalid cáhkkeheapmi jna. lea váldon eret.
- Biibbalis teakstalohkan lea unniduvvon ovtta tekstii, dábálaččat Ođđa testameanttas.